కన్నుల నిండుగ

కన్నుల నిండుగ – క్రిస్మస్ పండుగ
గుండెల నిండుగ – ఆనందముండుగ (2)
పరమ పురినుండే – పరిశుద్ధ దేవుడు
పుడమిలో పుట్టెగా – పాపుల బ్రోవగ
మహిమలోనుండే – మహిమాత్ముండు
మనుజుడాయెగా – మరణము నొందగా
రండి చేరి కొలిచెదం – రారండి కలసి పాడుదాం
రండి యేసుననుసరించుదాం – పదండి ప్రభుని చూపించుదాం (2)

సర్వసృష్టిని మాటతో చేసిన – సార్వభౌముడా నీకు సముడెవ్వరయ్యా
లోకపాపమంతయూ మోయవచ్చిన – దైవమానవా నీకు స్థలమే లేదయ్యా (2)
చీకటినుండి వెలుగునకు – మరణమునుండి జీవముకు (2)
నడిపింప వచ్చిన నజరేయుని – దాటింప వచ్చిన దయామయుని
ప్రేమించి వచ్చిన ప్రేమామయుని – క్షమియించ వచ్చిన క్షమాపూర్ణుని      ||రండి||

విశ్వమంతయూ వ్యాపించియున్న – సర్వవ్యాపి నీవులేని చోటే లేదయ్యా
అంతరంగమంతయూ ఎరిగియున్న – సర్వజ్ఞాని నీకు సాటే లేరయ్యా (2)
దాస్యము నుండి స్వాతంత్ర్యమును – శాపము నుండి విడుదలను (2)
ప్రకటింప వచ్చిన పుణ్యాత్ముని – రక్షింప వచ్చిన రక్షకుని
శాంతిచేయ వచ్చిన శాంతమూర్తిని – విడిపింప వచ్చిన విమోచకుని      ||రండి||

ఊహకందని త్రియేకమైయున్న – అద్వితీయుడా నీవే ఆత్మరూపివయ్యా
నిన్న నేడు రేపు ఏకరీతిగున్న – నిత్యనివాసి నీకు అంతమే లేదయ్యా (2)
సంకెళ్ళనుండి సంబరానికి – ఉగ్రతనుండి ఉదాత్తతకు (2)
తప్పింప వచ్చిన త్యాగమూర్తిని – కనికరింప వచ్చిన కరుణశీలుని
కృపజూపవచ్చిన కృపాకరుని – దాపుచేరనిచ్చిన దాక్షిణ్యపూర్ణుని      ||రండి||

Kannula Ninduga – Christmas Panduga
Gundela Ninduga – Aanandamunduga (2)
Parama Purinunde – Parishuddha Devudu
Pudamilo Puttegaa – Paapula Brovaga
Mahimalo Nunde – Mahimaathmundu
Manujudaayegaa – Maranamu Nondagaa
Randi Cheri Kolichedam – Raarandi Kalai Paadudaam
Randi Yesunanusarinchudaam – Padandi Prabhuni Choopinchudaam (2)

Sarva Srushtini Maatatho Chesina – Saarvabhoumudaa Neeku Samudevvarayyaa
Loka Paapamanthayu Moya Vachchina – Daiva Maanavaa Neeku Sthalame Ledayyaa (2)
Cheekati Nundi Velugunaku Maranamu Nundi Jeevamuku (2)
Nadipimpa Vachchina Najareyuni – Daatimpa Vachchina Dayaamayuni
Preminchi Vacchina Premaamayuni – Kshamiyincha Vachchina Kshamaapoornuni          ||Randi||

Vishwamanthayu Vyaapinchuyunna – Sarva Vyaapi Neevu Leni Chote Ledayyaa
Antharangamanthayu Erigiyunna – Sarva Gnaani Neeku Saate Lerayyaa (2)
Daasyamu Nundi Swaathanthryamunu – Shaapamu Nundi Vidudalanu (2)
Prakatimpa Vachchina Punyaathmuni – Rakshimpa Vachchina Rakshakuni
Shaanthi Cheya Vachchina Shaanthamoorthini – Vidipimpa Vachchina Vimochakuni          ||Randi||

Oohakandani Thriyekamaiyunna – Advitheeyudaa Neeve Aathmaroopivayyaa
Ninna Nedu Repu Ekareethigunna – Nithya Nivaasi Neeku Anthame Ledayyaa (2)
Sankella Nundi Sambaraaniki – Ugratha Nundi Udaatthathaku (2)
Thappimpa Vachchina Thyaagamoorthini – Kanikarimpa Vachchina Karunasheeluni
Krupa Joopa Vachchina Krupaakaruni – Daapu Cheranichchina Daakshinya Poornuni          ||Randi||