క్రీస్తు పుట్టెను హల్లెలూయా

పాట రచయిత: జ్యోతి రాజు
Lyricist: Jyothi Raju

Telugu Lyrics

క్రీస్తు పుట్టెను హల్లెలూయా (2)
జగమంతా పండుగాయెను – సర్వలోకానికి సందడాయెను (2)
చీకు చింత వీడిపోయె – చీకటంత తొలగిపోయె (2)
నవ్యకాంతులెగసె ఇలలో – దివ్యకాంతుడేసు రాకతో…
ఉల్లాసమే ఉత్సాహమే – జగమంతా జయోత్సాహమే (2)

చెట్టెక్కిన లంచగొండి జక్కయ్య
పాప శాపముతో నిండియుండగా
యేసు అడుగు పెట్టెను
ఆ ఇంటిలో – రక్షణకాంతులే విరజిల్లెను (2)         ||చీకు చింత||

గెరాసేను జనములలో కొందరు
రోగాలు దయ్యాలతో బాధనొందగా
యేసు అడుగుపెట్టెను
ఆ ఊరిలో – విడుదలకాంతులే ప్రకాశించెను (2)         ||చీకు చింత||

మరణమాయె యాయీరు కూతురు
వేదన రోదన కన్నీటిలో
యేసు అడుగుపెట్టెను
ఆ ఇంటిలో – జీవపుకాంతులే ప్రజ్వలిల్లెను (2)         ||చీకు చింత||

వేదనతో నలిగిపోవుచున్నావా
యేసు నీ కొరకై ఉదయించెను
లెమ్ము తేజరిల్లుమ్ము
నీ ఇంటికి – వెలుగు వచ్చియున్నది (2)          ||క్రీస్తు పుట్టెను||

English Lyrics

Audio

Download Lyrics as: PPT

రక్షకుడు వచ్చినాడు

పాట రచయిత: డేవిడ్సన్ గాజులవర్తి
Lyricist: Davidson Gajulavarthi

Telugu Lyrics


రక్షకుడు వచ్చినాడు వచ్చినాడమ్మా
నిన్ను నన్ను పరముకు చేర్చ భువికొచ్చాడమ్మా (2)
పాపమే లేనోడమ్మా పాపుల రక్షకుడమ్మా
ప్రాణమియ్య వెనుకాడని ప్రేమామయుడోయమ్మా
మన కోసం ఇలకొచ్చిన యేసురాజు ఇతడమ్మా
జగమంతా కొలిచేటి ఇమ్మానుయేలమ్మా (2)

ప్రవక్తల ప్రవచనాలు నేరవేర్చాడమ్మా
మోడుబారిన బ్రతుకులలో దావీదు చిగురమ్మా (2)
బాలుడై వచ్చాడమ్మా భారమే మోసాడమ్మా
విడుదలనే ఇచ్చిన దేవుని గొర్రెపిల్లమ్మా ||మన కోసం||

వినరే ప్రేమామయుని చరితం వినరే జనులారా
నమ్మితే చాలు మోక్షమునిచ్చును నమ్ము మనసారా (2)
వెల తానే చెల్లించి తన వారసులుగ ఎంచి
నిత్యం తనతో ఉండే భాగ్యమునిచ్చాడమ్మా        ||మన కోసం||

English Lyrics

Audio

Download Lyrics as: PPT

జన్మించినాడురా

పాట రచయిత:
Lyricist:

Telugu Lyrics

జన్మించినాడురా రాజు జన్మించినాడురా (2)
బెత్లహేములోన పశుల పాకలోన (2)
జన్మించినాడురా…
ఆనందం ఆనందం జగమంతా ఆనందం
సంతోషం సంతోషం ఇంటింటా సంతోషం (2)

ధనవంతుడై యుండియు
భువికి దీనుడై వచ్చాడురా
ఎంతో ప్రేమించాడురా
లోకమును రక్షింప వచ్చాడురా
పాపమంత బాపి జీవమే ఇచ్చే – (2)
యేసే వచ్చాడురా…        ||ఆనందం||

దుఃఖమే ఇక లేదురా
మనకు విడుదలే వచ్చిందిరా
మెస్సయ్య వచ్చాడని
ఈ వార్త లోకమంతా చాటాలిరా
లోక రక్షకుడు ఇమ్మానుయేలు – (2)
యేసే వచ్చాడురా..         ||ఆనందం||

English Lyrics

Audio

HOME