యేసయ్యా నీకే వందనం

పాట రచయిత: క్రాంతి చేపూరి
Lyricist: Kranthi Chepuri

Telugu Lyrics


భూమ్యాకాశములను సృజియించిన దేవా
నీ సన్నిధిలోనే ప్రవేశించెదను
నీ పరిశుద్ధతను ప్రకాశించుటకు
నీ పరిపూర్ణతలో నన్ను నడిపించుము
మహిమా నీకే… ఘనతా నీకే…
ప్రతి దినం నా ఆరాధన నీకే
మహిమా నీకే… ఘనతా నీకే…
నిరంతరం ఈ స్తోత్రార్పణ నీకే
యేసయ్యా.. నీకే వందనం – (4)

మట్టి ముద్దనైన నన్ను మనిషిగా రూపించావు
వట్టి వాడనైన గాని మహిమతో నను నింపావు (2)
నీ కౌగిలిలో నను హత్తుకొని
అర చేతులలో నను చెక్కుకొని
నీ సన్నిధి కాంతిని నాపైనే ఉదయింపజేసావు (2)
ఏమివ్వగలను నేను నీ ప్రేమకై
పగిలిన హృదయముతో ఆరాధింతును         ||మహిమా||

ఘోర పాపినైన నన్ను ఎంతగా ప్రేమించావు
సిలువ పైన ప్రాణమిచ్చి వింతగా నను మార్చావు (2)
నా మనో నేత్రమును వెలిగించి
నా హృదయ కాఠిన్యమును మార్చి
అర్హతే లేని బలహీనుడనే ఎన్నుకున్నావు (2)
ఏమిచ్చి నీ ఋణమును నే తీర్తును
విరిగి నలిగిన మనస్సుతో ఆరాధింతును         ||మహిమా||

English Lyrics

Audio

Download Lyrics as: PPT

చీకటినే తొలగించినది

పాట రచయిత: క్రాంతి చేపూరి
Lyricist: Kranthi Chepuri

Telugu Lyrics

ప్రేమా … ప్రేమా…
యేసూ… నీ ప్రేమా (2)

చీకటినే తొలగించినది
లోకమునే వెలిగించినది
మరణము గెలిచి మార్గము తెరచినది
పాపిని నను ప్రేమించినది
వెదకి నను రక్షించినది
నీతిమంతునిగా ఇల మార్చినది

యేసయ్యా యేసయ్యా నీ ప్రేమే చాలయ్యా
ప్రేమించే నీ మనసే నా అతిశయమయ్యా
యేసయ్యా యేసయ్యా నీ కృపయే మేలయ్యా
కృపతోనే రక్షించి కాపాడితివయ్యా

ఆరాధన స్తుతి ఆరాధన
ఆరాధన నీకే
ఆరాధన స్తుతి ఆరాధన
ఈ స్తోత్రార్పణ నీకే

యేసయ్యా యేసయ్యా నా యేసయ్యా
యేసయ్యా యేసయ్యా నా యేసయ్యా (2)            ||చీకటినే||

దేవా… నా దేవా…
దేవా… నా ప్రభువా (2)

నీ కొరకే నే బ్రతికెదను
నీ ప్రేమను కనుపరచెదను
నీ సాక్షిగ ఇల జీవించెదనయ్యా
నీ సువార్తను చాటెదను
నిన్నే నే కీర్తించెదను
నీ సేవలో నే కొనసాగెదనయ్యా

యేసయ్యా యేసయ్యా నా గురి నీవయ్యా
నిను చూసే క్షణమునకై వేచియున్నానయ్యా
యేసయ్యా యేసయ్యా నా రాజువు నీవయ్యా
నీ రాజ్యములో చేరుటకు కనిపెట్టుకుంటానయ్యా

ఆరాధన స్తుతి ఆరాధన
ఆరాధన నీకే
ఆరాధన స్తుతి ఆరాధన
ఈ స్తోత్రార్పణ నీకే

యేసయ్యా యేసయ్యా నా యేసయ్యా
యేసయ్యా యేసయ్యా నా యేసయ్యా (2)            ||నీ కొరకే||

English Lyrics

Audio

Download Lyrics as: PPT

యేసు రాజా నీకే

పాట రచయిత: బన్ని సుదర్శన్
Lyricist: Bunny Sudarshan

Telugu Lyrics


యేసు రాజా నీకే
ఈ స్తుతి ఆరాధన
నా యేసు రాజా నీకే
నా స్తుతి సంకీర్తన
ఆరాధన స్తుతి ఆరాధన
సంకీర్తన స్తుతి స్తోత్రార్పణ (2)       ||యేసు||

నీ మాటలో కరుణ
నీ చూపులో ఆదరణ
నీ ప్రేమలో రక్షణ
నీ కుడి చేతిలో దీవెన (2)
నీతోనే నిత్యానుబంధము
నీవే నా జీవిత గమ్యము (2)         ||ఆరాధన||

జలములలో నే వెళ్లినా
అగ్నిలో నడిచినా
సుడి గాలులే ఎదురైనా
పెను తుఫానే చెలరేగినా (2)
నీ నామమే నను ధైర్యపరచును
నీ మాటలే నన్నాదరించును (2)         ||ఆరాధన||

English Lyrics

Audio

హల్లెలూయా ఆరాధన

పాట రచయిత: లిల్లియన్ క్రిస్టోఫర్
Lyricist: Lillyan Christopher

Telugu Lyrics

హల్లెలూయా ఆరాధన
రాజాధి రాజు యేసునకే
మహిమయు ఘనతయు
సర్వాధికారి క్రీస్తునకే (2)
చప్పట్లు కొట్టుచూ – పాటలు పాడుచూ
ఆ ప్రభుని కీర్తించెదం
నాట్యము చేయుచు – ఉత్సాహ ధ్వనులతో
స్తోత్రార్పణ చేసెదం        ||హల్లెలూయా||

రూపింప బడక ముందే
నన్ను ఎరిగితివి
నా పాదములు జారకుండా
రక్షించి నడిపితివి (2)        ||చప్పట్లు||

అభిషేక వస్త్రము నిచ్చి
వీరులుగా చేసితివి
అపవాది క్రియలను జయించే
ప్రార్థన శక్తినిచ్చితివి (2)        ||చప్పట్లు||

English Lyrics

Audio

యేసే సత్యం

పాట రచయిత:
Lyricist:

Telugu Lyrics


యేసే సత్యం యేసే నిత్యం
యేసే సర్వము జగతికి
యేసే జీవం యేసే గమ్యం
యేసే గమనము (2)
పాత పాడెదం ప్రభువునకు
స్తోత్రార్పణ చేసెదం (2)      ||యేసే||

పలు రకాల మనుష్యులు – పలు విధాలు పలికిన
మాయలెన్నో చేసినా – లీలలెన్నో చూపినా (2)
యేసులోనే నిత్య జీవం
యేసులోనే రక్షణ (2)      ||యేసే||

బలము లేని వారికి – బలము నిచ్చుఁ దేవుడు
కృంగియున్న వారిని – లేవనెత్తు దేవుడు (2)
యేసులోనే నిత్య రాజ్యం
యేసులోనే విడుదల (2)      ||యేసే||

English Lyrics

Audio

HOME