రారే మన యేసు స్వామిని

రారే మన యేసు స్వామిని
జూతము కోర్కె – లూర ప్రియులారా పేర్మిని
గూరిమి భక్తుల జేరువ విందట
భూరిద యామృత సారము లొలికెడు
చారు కటాక్ష వి – శాలేక్షనుడట
నారకులగు నర – నారీ జనులకు
దారక మొసగను దానే పిలుచునట
దారుణ పాప మ-హారణ్యమునకు
గారు చిచ్చు గతి గన్పడువాడట
ఘోర దరిద్రత గూల్చెడి వాడట
సారంబగు తన సభకు మకుటమాట         ||రారే||

పతిత పావనమౌ వేల్పట
అనాది దేవ సుతుడై – ఇల జేరినాడట
సతతము కడు దురి – తతమోయుతమగు
ప్రతి దేశమునకు – హిత భాస్కరుడట
అతులిత మోక్షో – న్నత గుణగణుడట
కుతలంబున స-ద్గతి రహితంబగు
పతితుల గావను – మృతుడైనాడట
అతి పుణ్య తను – క్షత శోణితమును
వ్రతముగ సిలువను నతఁడొసంగెనట
మృతిని జయించుచు బ్రతికి లేచెనట
మతి నమ్మిన మన గతి యితడేనట          ||రారే||

తుదలేని మహిమ వాడట
తను గొల్చు సాధు – హృదయుల సొమ్ము మూటట
చెదరిన గొర్రెల – వెదక వచ్చెనట
చిదురుపలగు జన హృదయములన్నిట
బదిలముగా నె-మ్మది నిడువాడట
నదితట మఠ జన వదనముల స
మ్మద శుభవార్తను – బలికినవాడట
సదయత సంధుల – కక్షుల నిడెనట
వెదకి బధిరులకు – వీనులొసగె నట
సదమల మోక్ష ప్రభుడగు విభుడట
యిదిగో మనకిత డేలినవాడట       ||రారే||

Raare Mana Yesu Swaamini
Joothamu Korke – Loora Priyulaaraa Permini
Goorimi Bhakthula Jeruva Vindata
Bhoorida Yaamrutha Saaramu Lolikedu
Chaaru Kataaksha Vi – shaalekshanudata
Naarakulagu Nara – Naaree Janulaku
Daaraka Mosaganu Daane Pilachunata
Daaruna Paapa Ma-haaranyamunaku
Gaaru Chichchu Gathi Ganpaduvaadata
Ghora Daridratha Goolchedi Vaadata
Saarambagu Thana Sabhaku Makutamata         ||Raare||

Pathitha Paavanamou Velpata
Anaadi Deva Suthudai – Ila Jerinaadata
Sathathamu Kadu Duri – Thathamoyuthamagu
Prathi Deshamunaku – Hitha Bhaaskarudata
Athulitha Moksho – nnatha Gunaganudata
Kuthalambuna Sa-dgathi Rahithambagu
Pathithula Gaavanu – Mruthudainaadata
Athi Punya Thanu – Kshatha Shonithamunu
Vrathamuga Siluvanu Nathadosangenata
Mruthini Jayinchuchu Brathiki Lechenata
Mathi Nammina Mana Gathi Yithadenata         ||Raare||

Thudaleni Mahima Vaadata
Thanu Golchu Saadhu – Hrudayula Sommu Mootata
Chedarina Gorrela – Vedaka Vachchenata
Chidurupalagu Jana Hrudayamulannita
Badilamugaa Ne-mmadi Niduvaadata
Nadithata Mata Jana Vadanamula Sa
mmada Shubhavaarthanu – Balikinavaadata
Sadayatha Sandhula – Kakshula Nidenata
Vedaki Badhirulaku – Veenulosage Nata
Sadamala Moksha Prabhudagu Vibhudata
Yidigo Manakitha Delinavaadata        ||Raare||