నాకు జీవమై ఉన్న

పాట రచయిత: జాన్ వెస్లీ
Lyricist: John Wesley

Telugu Lyrics


నాకు జీవమై ఉన్న నా జీవమా
నాకు ప్రాణమై ఉన్న నా ప్రాణమా
నాకు బలమై ఉన్న నా బలమా
నాకు సర్వమై ఉన్న నా సర్వమా
నీ నామమే పాడెదన్ నా జీవిత కాలమంతా
నీ ధ్యానమే చేసెద నా ఊపిరి ఉన్నంత వరకు          ||నాకు జీవమై||

పూజ్యుడవు… ఉన్నత దేవుడవు
యోగ్యుడవు… పరిశుద్ధ రాజువు (2)
నా ఆరాధన నా ఆలాపన
నా స్తుతి కీర్తన నీవే
నా ఆలోచన నా ఆకర్షణ
నా స్తోత్రార్పణ నీకే           ||నాకు జీవమై||

నాయకుడా… నా మంచి స్నేహితుడా
రక్షకుడా… నా ప్రాణ నాథుడా (2)
నా ఆనందము నా ఆలంబన
నా అతిశయము నీవే
నా ఆదరణ నా ఆశ్రయము
నా పోషకుడవు నీవే          ||నాకు జీవమై||

English Lyrics

Audio

దిక్కులన్ని నీవేలే

పాట రచయిత:
Lyricist:

Telugu Lyrics


దిక్కులన్ని నీవేలే – దిక్కులన్ని నీవేలే (2)
ఎక్కడో నిన్ను వెదక – ఏలనయ్య ఓ స్వామీ (2)
నిత్యమై నాలోన – జీవమై నీవుండ           ||దిక్కులన్ని||

లెక్క మిక్కిలి ప్రాణులెన్నో ఈ జగతినుండగా
లెక్క మాలిన నన్ను నీవు నీ పోలిక చేయగా (2)
నిక్కముగా నర జన్మ – ధన్య చరితాయనే (2)
చక్కనయ్య త్యాగానాన – చావు కూడా సత్తేలే          ||దిక్కులన్ని||

దిక్కులేని దారిలోన నన్ను నీవు నడుప
దిక్కు నీవై ప్రక్కనుండి మొక్కుచుందు దేవా (2)
భాష రాని నా నోట – పాడుకుందు నీ పాట (2)
హీనమైన రూపానాన – గానమై యేసన్న             ||దిక్కులన్ని||

English Lyrics

Audio

వాక్యమే శరీర ధారియై

పాట రచయిత: జి దేవదత్తం
Lyricist: G Devadattham

Telugu Lyrics


వాక్యమే శరీర ధారియై వసించెను
జీవమై శరీరులను వెలిగింపను
ఆ… ఆ…. ఆ… ఆ…. (2)

కృపయు సత్యములు – హల్లెలూయ
నీతి నిమ్మళము – హల్లెలూయ (2)
కలసి మెలసి – భువిలో దివిలో (2)
ఇలలో సత్యము మొలకై నిలచెను      ||వాక్యమే||

ఆశ్చర్యకరుడు – హల్లెలూయ
ఆలోచనకర్త – హల్లెలూయ (2)
నిత్యుడైన – తండ్రి దేవుడు (2)
నీతి సూర్యుడు – భువినుదయించెను        ||వాక్యమే||

పరమ దేవుండే – హల్లెలూయ
నరులలో నరుడై – హల్లెలూయ (2)
కరము చాచి – కనికరించి (2)
మరు జన్మములో మనుజుల మలచే        ||వాక్యమే||

English Lyrics

Audio

 

 

HOME