దేవా మా కుటుంబము

పాట రచయిత: డి జే ఆగస్టీన్
Lyricist: D J Augustine

Telugu Lyrics


దేవా మా కుటుంబము – నీ సేవకే అంకితము (2)
ఈ శాప లోకాన – నీ సాక్షులుగా నిలువ
నీ ఆత్మతో నింపుమా (2)           ||దేవా||

కాపరి మా యేసు ప్రభువే – కొదువేమి లేదు మాకు
మాకేమి భయము – మాకేమి దిగులు
నీకే వందనములయ్యా
లోబడి జీవింతుము – లోపంబులు సవరించుము
లోకాశలు వీడి – లోకంబులోన
నీ మందగా ఉందుము          ||దేవా||

సమృద్ధి జీవంబును – సమృద్ధిగా మాకిమ్ము
నెమ్మది గల ఇల్లు – నిమ్మళమగు మనస్సు
ఇమ్మహిలో మాకిమ్మయ్యా
ఇమ్ముగ దయచేయుము – గిన్నె నిండిన అనుభవము
ఎన్నో కుటుంబాల ధన్యులుగా జేయంగా
మమ్ములను బలపరచుము         ||దేవా||

ఏ కీడు రాకుండగా – కాపాడుము మా పిల్లలను
లోక దురు వ్యసనంలా – తాకుడు లేకుండా
దాచుము నీ చేతులలో
ఒలీవ మొక్కల వలెను ద్రాక్షా తీగెలను పోలి
ఫల సంపదలతోను – కలకాలము జీవించ
కురుపించుము నీ దీవెనలన్         ||దేవా||

పెంపారు జేయుము మాలో – సొంపుగ నీ ఘన ప్రేమన్
నింపుమా హృదయములు – శాంతి భాగ్యంబులతో
సంతసంబుగ సాగెదము
వింతైన నీ ప్రేమను – అంతట ప్రకటింతుము
కొంత కాలమే మేము – ఉందుము లోకాన
చెంత చేరగ కోరెదము
నీ చెంత చేరగ కోరెదము            ||దేవా||

English Lyrics

Audio

Download Lyrics as: PPT

అంకితం ప్రభూ నా జీవితం

పాట రచయిత: జ్యోతి రాజు
Lyricist: Jyothi Raju

Telugu Lyrics

అంకితం ప్రభూ నా జీవితం – నీ చరణాల సేవకే అంకితమయ్యా (2)
నీ సేవకై ఈ సమర్పణా – అంగీకరించుము నాదు రక్షకా (2)

మోడుబారిన నా జీవితం – చిగురింపజేసావు దేవా
నిష్ఫలమైన నా జీవితం – ఫలియింపజేసావు ప్రభువా
నీ కృపలో బహుగా ఫలించుటకు
ఫలింపని వారికి ప్రకటించుటకు (2)
అంగీకరించుము నా సమర్పణ            ||అంకితం||

కారు చీకటి కాఠిన్య కడలిలో – నీ కాంతినిచ్చావు దేవా
చీకటిలోనున్న నా జీవితం – చిరుదివ్వెగా చేసావు ప్రభువా
నీ సన్నిధిలో ప్రకాశించుటకు
అంధకార ఛాయలను తొలగించుటకు (2)
అంగీకరించుము నా సమర్పణ         ||అంకితం||

English Lyrics

Audio

Download Lyrics as: PPT

HOME