సుదూరము ఈ పయనము

పాట రచయిత: జోయెల్ కొడాలి
Lyricist: Joel Kodali

Telugu Lyrics


సుదూరము ఈ పయనము ముందు ఇరుకు మార్గము
యేసు నాకు తోడుగా నాతోనే నడుచుచుండగా
నే వెంట వెళ్లెదా నా రాజు వెంబడి
సుమధుర భాగ్యము యేసుతో పయనము       ||సుదూరము||

అలలపై నే నడిచెదా తుఫానులో హుషారుగా
ఆ ఎత్తులు ఆ లోతులు ఆ మలుపులు నే తిరిగెదా
ఉల్లాసమే… యేసుతో నా పయనమంతయు
ఆశ్చర్యమైనది నే నడుచు మార్గము
ఒకొక్క అడుగులో ఓ క్రొత్త అనుభవం       ||సుదూరము||

హోరు గాలి వీచినా అలలు పైకి లేచినా
ఏ భయము నాకు కలుగదు నా పాదము తొట్రిల్లదు
నా చెంతనే… ఉన్న యేసు నన్ను మోయును
ఇది నా భాగ్యము నాలోని ధైర్యము
ఏ దిగులు లేకనే నే సాగిపోదును       ||సుదూరము||

నా జీవితం పదిలము యేసుని చేతిలో
నా పయనము సఫలము యేసుదే భారము
నే చేరేదా… నిశ్చయంబుగా నా గమ్యము
ఇది నా విశ్వాసము నాకున్న అభయము
కృపగల దేవుడు విడువడు ఎన్నడూ       ||సుదూరము||

English Lyrics

Audio

Download Lyrics as: PPT

స్తోత్ర గానం చేసింది ప్రాణం

పాట రచయిత: సామి పచిగల్ల
Lyricist: Samy Pachigalla

Telugu Lyrics

స్తోత్ర గానం చేసింది ప్రాణం
క్రొత్త రాగం తీసింది హృదయం
నా యేసు ప్రేమ నా మదంతా నిండగా
ధన్యమే ఈ జీవితం
యేసుతో మరింత రమ్యమే
భూమిపై చిన్ని స్వర్గమే
యేసుతో నా ప్రయాణమే
నా తోడై నా నీడై నాతో ఉన్నాడులే               ||ధన్యమే||

నా గతం విషాదం – అనంతమైన ఓ అగాధం
కోరితి సహాయం – నా యేసు చేసెనే ఆశ్చర్యం
లేనిపోని నిందలన్ని పూలదండలై మారెనే
ఇన్నినాళ్ళు లేని సంతసాలు నా వెంటనే వచ్చెనే
యేసులో నిత్యమే               ||స్తోత్ర||

ఊహకే సుదూరం – నా యేసు చేసిన ప్రమాణం
నా జయం విశ్వాసం – కాదేది యేసుకు అసాధ్యం
లేనివన్ని ఉండునట్లు చేసే యేసుతో నా జీవితం
పాడలేను ఏ భాషలోనూ ఆనందమానందమే
యేసులో నిత్యమే                ||స్తోత్ర||

English Lyrics

Audio

Download Lyrics as: PPT

కంట నీరేల

పాట రచయిత: సాయారం గట్టు
Lyricist: Sayaram Gattu

Telugu Lyrics


కంట నీరేల? కలతలు ఏల?
యేసుతో నీవు సాగు వేళ
శోధన వేళ రోదన ఏల?
నీ విశ్వసము గెలిచే వేళ (2)
నమ్మిన ఆ దేవుడు – ఎన్నడు మరచిపోడు
నీయొక్క అవసరాలు – ఏనాడో తానెరిగాడు        ||కంట||

వలదు చింతన దేనికైనా
విన్నవించుము నీ నివేదన (2)
పొందితినను నీదు నమ్మకము
దరికి చేర్చును తగిన విజయము (2)
తిరుగన్నదే లేనివి – ఆ తండ్రి దీవెనలు
పొరపాటు ఎరుగనివి – తానిచ్చు ఆ మేలులు (2)        ||కంట||

రేపు గూర్చిన భయము వలదు
ప్రతి దినము తగు బాధ కలదు (2)
నీదు భారము మోయు ఆ దేవుడు
నీకు ముందుగా నడుచు ఎల్లప్పుడు (2)
నీలోని ఆ భయము – లోకానికి ప్రతిరూపం
స్థిరమైన నీ విశ్వాసం – దేవునికి సంతోషం (2)          ||కంట||

English Lyrics

Audio

సొంతమైపోవాలి నా యేసుతో

పాట రచయిత:
Lyricist:

Telugu Lyrics

సొంతమైపోవాలి నా యేసుతో
మిళితమై పోవాలి నా ప్రియునితో (2)
సొంతమై మిళితమై యేసుతో ఏకమై (2)
ఎగిరి వెళ్లి పోవాలి నా రాజుతో
లీనమై పోవాలి ఆ ప్రేమలో (2)

నా ప్రియుడు నా కొరకు చేతులు చాచి
నా వరుడు కలువరిలో బలియాయెను (2)
బలి అయిన వానికే నా జీవితం
అర్పించుకొనుటే నా ధర్మము (2)
ధర్మము.. ధర్మము.. యేసుతో జీవితం (2)         ||సొంతమై||

పరదేశిగా నేను వచ్చానిలా
తన ప్రేమ కీర్తిని చాటాలని (2)
ప్రియుని కోసమే బ్రతికెదను
కాపాడుకొందును సౌశీల్యము
ప్రభువు కోసమే బ్రతికెదను
కాపాడుకొందును నా సాక్ష్యము
యేసుతో జీవితం పరమున శాశ్వతం (2)         ||సొంతమై||

English Lyrics

Audio

Download Lyrics as: PPT

యేసుతో ఠీవిగాను పోదమా

పాట రచయిత: ఏ సి కిన్సింగర్, పి డి శుభామని
Lyricist: A C Kinsingar, P D Shubhamani

Telugu Lyrics


యేసుతో ఠీవిగాను పోదమా
అడ్డుగా వచ్చు వైరి గెల్వను
యుద్ధనాదంబుతో బోదము            ||యేసుతో||

రారాజు సైన్యమందు చేరను
ఆ రాజు దివ్య సేవ చేయను (2)
యేసు రాజు ముందుగా ధ్వజము బట్టి నడువగా (2)
యేసుతో ఠీవిగాను వెడలను           ||యేసుతో||

విశ్వాస కవచమును ధరించుచు
ఆ రాజు నాజ్ఞ మదిని నిల్పుచు (2)
అనుదినంబు శక్తిని పొందుచున్నవారమై (2)
యేసుతో ఠీవిగాను వెడలను           ||యేసుతో||

శోధనలు మనల చుట్టి వచ్చినా
సాతాను అంబులెన్ని తగిలినా (2)
భయములేదు మనకిక ప్రభువు చెంత నుందుము (2)
యేసుతో ఠీవిగాను వెడలను           ||యేసుతో||

ఓ యువతి యువకులారా చేరుడి
శ్రీ యేసురాజు వార్త చాటుడి (2)
లోకమంత ఏకమై యేసునాథు గొల్వను (2)
సాధనంబెవరు నీవు నేనెగా            ||యేసుతో||

English Lyrics

Audio

Download Lyrics as: PPT

HOME