నీవు లేని క్షణమైనా

పాట రచయిత: ఆర్ లాజరస్
Lyricist: R Lazarus

Telugu Lyrics

నీవు లేని క్షణమైనా ఊహించలేను
నీ కృప లేనిదే నేను బ్రతుకలేను (2)
నీవే నా కాపరి – నీవే నా ఊపిరి
నీవే నా సర్వము యేసయ్య
నీతోనే జీవితం – నేనే నీకంకితం
గైకొనుమో నన్ను ఓ దేవా…          ||నీవు లేని||

శ్రమలెన్నో వచ్చినా – శోధనలే బిగిసినా
నను ధైర్యపరిచె నీ వాక్యం
సంద్రాలే పొంగినా – అలలే ఎగసినా
నను మునగనీయక లేవనెత్తిన (2)
నీవే నా కండగా – నాతో నీవుండగా
భయమన్నదే నాకు లేదూ
సర్వలోక నాధుడా – కాపాడే దేవుడా
వందనము నీకే ఓ దేవా…          ||నీవు లేని||

శత్రువులే లేచినా – అగ్ని ఆవరించినా
అవి నన్ను కాల్చజాలవుగా
దుష్టులే వచ్చినా – సింహాలై గర్జించినా
నాకేమాత్రం హాని చేయవుగా (2)
వెన్నుతట్టి బలపరచిన – చేయిపట్టి నడిపించిన
వేదనలే తొలగించిన యేసయ్యా
సర్వలోక నాధుడా – కాపాడే దేవుడా
వందనము నీకే ఓ దేవా…          ||నీవు లేని||

English Lyrics

Audio

Download Lyrics as: PPT

మంచిని పంచే దారొకటి

పాట రచయిత:
Lyricist:

Telugu Lyrics


మంచిని పంచే దారొకటి
వంచన పెంచే దారొకటి
రెండు దారులలో నీ దారి
ఎంచుకో బాటసారి
సరి చూసుకో ఒక్కసారి (2)

మొదటి దారి బహు ఇరుకు – అయినా యేసయ్యుంటాడు
ప్రేమా శాంతి కరుణ – జనులకు బోధిస్తుంటాడు (2)
పాపికి రక్షణ తెస్తాడు
పరలోక రాజ్యం ఇస్తాడు (2)
అందుకే.. ఇరుకు దారిలో వెళ్ళయ్యా
విశాల మార్గం వద్దయ్యా          ||మంచిని||

మరియొక దారి విశాలం – కాని సాతానుంటాడు
కామం క్రోధం లోభం – నరులకు నేర్పిస్తాడు (2)
దేవుని ఎదిరిస్తుంటాడు
నరకాగ్నిలో పడదోస్తాడు (2)
అందుకే.. ఇరుకు దారిలో వెళ్ళయ్యా
విశాల మార్గం వద్దయ్యా       ||మంచిని||

English Lyrics

Audio

Download Lyrics as: PPT

నా దేవుణ్ణి నేను ప్రేమిస్తున్నా

పాట రచయిత: జ్యోతి మనోహర్
Lyricist: Jyothi Manohar

Telugu Lyrics


నా దేవుణ్ణి నేను ప్రేమిస్తున్నా
నా యేసయ్యను నేను ప్రేమిస్తున్నా (2)
రాసాను నేనొక లేఖని
పంపాను నేనొక పాటని (2)       ||నా దేవుణ్ణి||

నిను చూడక నాకు నిదుర ఏది
నీ స్వరము వినక నేనుంటినా (2)       ||నా దేవుణ్ణి||

నీ సేవకై నన్ను ఏర్పరచావు
నీ కొరకు మరణించే ప్రాణం ఉంది (2)       ||నా దేవుణ్ణి||

English Lyrics

Audio

ప్రభువా ఈ ఆనందం

పాట రచయిత:
Lyricist:

Telugu Lyrics

ప్రభువా ఈ ఆనందం
నాలో కలిగిన వైనం
వర్ణింపలేనిది ఈ అద్భుతం (2)
నీలో నేను ఉండగా
నాలో నీవు నిలువగా
నీకై నేను పాడగా ఆనందం (2)
ప్రెయసెస్ టు హెవెన్లీ ఫాదర్
ప్రెయసెస్ టు సేవియర్ క్రైస్ట్
ప్రెయసెస్ టు ద లార్డ్ ఆఫ్ ట్రినిటీ (2)      ||ప్రభువా||

ఆత్మలో ఆనందం నా ప్రియుని బహుమానం
అంతమే లేనిది ఆ ప్రేమ మకరందం (2)
వర్ణింపలేనిది సరిపోల్చలేనిది
నా ప్రభునిలో ఆనందం (2)      ||ప్రెయసెస్||

స్వాతంత్య్రం ఇచ్చునదే యేసులో ఆనందం
ఆత్మను బలపరచునదే అక్షయమగు ఆనందం (2)
పరలోకపు మార్గములో నను నడువ చేయునది
ప్రభు యేసుని వాక్యాహారం (2)      ||ప్రభువా||

English Lyrics

Audio

కలలా ఉన్నది

పాట రచయిత: శామ్యూల్ కర్మోజి
Lyricist: Samuel Karmoji

Telugu Lyrics

కలలా ఉన్నది నేనేనా అన్నది
నిజమౌతున్నది నీవు నాతో అన్నది
నిరాశల నిశిలోన – ఉషోదయం వచ్చింది
యేసు నీ ప్రేమే నను బ్రతికించెను (2)      ||కలలా||

మనుష్యులంతా మనసే గాయపరిచి
పురుగల్లె నను నలిపేయ జూచినా (2)
శూరుడల్లె వచ్చినావు
నాకు ముందు నిలచినావు
నాకు బలము ఇచ్చినావు
ఆయుధంగా మార్చినావు
చల్లని నీ నీడలో నిత్యము నిలువనీ      ||కలలా||

శూన్యములో నాకై సృష్టిని చేసి
జీవితాన్ని అందముగా మలచేసి (2)
మాట నాకు ఇచ్చినవారు
దాన్ని నెరవేర్చువారు
నిన్ను పోలి ఎవరున్నారు
నన్ను ప్రేమించువారు
యేసు నీ ప్రేమను ప్రతి దినం పాడనీ      ||కలలా||

English Lyrics

Audio

మాటే చాలయ్యా

పాట రచయిత:
Lyricist:

Telugu Lyrics


మాటే చాలయ్యా యేసూ నాకు
నీ మాటలోనే జీవం ఉన్నది (2)
నీ మాట వల్లె జరుగును అద్భుతాలు
నీ మాట వల్లె జరుగును ఆశ్చర్యాలు (2)
నీ మాటకు సమస్తం సాధ్యమే (2)        ||మాటే||

సృష్టికర్తవు నీవే – సమస్తము సృజియించితివి
సృష్టంతయ నీ మాటకు లోబడుచున్నది (2)
నీ మాటకు శక్తి ఉన్నదయ్యా
నీ మాటకు సమస్తం లోబడును (2)        ||నీ మాట వల్లె||

పరమ వైద్యుడవు నీవే – స్వస్థపరచు దేవుడవు
దయ్యములన్ని నీ మాటకు లోబడి వొణుకును (2)
నీ మాటలో స్వస్థత ఉందయ్యా
నీ మాటతోనే విడుదల కలుగును (2)        ||నీ మాట వల్లె||

జీవాధిపతి నీవే – జీవించు దేవుడవు
నీ జీవము మమ్ములను బ్రతికించుచున్నది (2)
నీ మాటలో జీవం ఉందయ్యా
నీ మాటలే మాకు జీవాహారాము (2)        ||నీ మాట వల్లె||

English Lyrics

Audio

HOME