Raktha – CHRISTIAN LYRICZ

నాకై చీల్చబడ్డ

పాట రచయిత: ఆగస్టస్ మాంటేగ్ టాప్ లేడీ
అనువాదకులు: హెచ్ హార్మ్స్
Lyricist: Augustus Montague Toplady
Translator: H Harms

నాకై చీల్చబడ్డ యో
నా యనంత నగమా
నిన్ను దాగి యందున్న
చేను మీర బారెడు
రక్త జలధారలా
శక్తి గ్రోలగా నిమ్ము

నేను నాదు శక్తిచే
నిన్ను గొల్వజాలను
కాల మెల్ల నేడ్చినన్
వేళా క్రతుల్ చేసినన్
నేను చేయు పాపము
నేనే బాప జాలను

వట్టి చేయి చాచుచున్
ముట్టి సిల్వ జేరెదన్
దిక్కు లేని పాపిని
ప్రక్క జేర్చి ప్రోవుము
నా కళంక మెల్లను
యేసునాథ, పాపుము

ఈ ధరిత్రియందున
నీరు దాటునప్పుడు
నాదరించి నీ కడన్
నాకై చీల్చబడ్డయో
నా యనంత శైలమా
నన్ను జేర దీయుమా

అడుగడుగున రక్త బింధువులే
అణువణువున కొరడా దెబ్బలే (2)
నా యేసుకు ముళ్ల కిరీటం
భుజములపై సిలువ భారం (2)
భుజములపై సిలువ భారం ||అడుగడుగున||

సిలువ మోయుచు వీపుల వెంట
రక్త ధరలే నిన్ను తడిపెను (2)
నా ప్రజలారా ఏడవకండి
మీ కోసము ప్రార్ధించండి (2) ||అడుగడుగున||

కలువరిలోన నీ రూపమే
నలిగిపోయెను నా యేసయ్యా (2)
చివరి రక్త బిందువు లేకుండా
నా కోసమే కార్చినావు (2) ||అడుగడుగున||

మరణము గెలిచి తిరిగి లేచిన
మృత్యుంజయుడా నీకే స్తోత్రం (2)
మహిమ స్వరూపా మా యేసయ్యా
మహిమగా నన్ను మార్చినావా (2) ||అడుగడుగున||

పాట రచయిత: దియ్యా ప్రసాద రావు
Lyricist: Diyya Prasada Rao

నీ రక్త ధారలే – మా జీవనాధారాము
నీ సిల్వ మార్గమే – మా మోక్ష భాగ్యము
ఓ సిల్వ రాజ – క్రీస్తు రాజ
నీతి రాజ – యేసు రాజ (2)

మాలోన పలికించు జీవన రాగము – నీ ఆర్తనాదములే
మాలోన వెలిగించు జీవన జ్యోతులు – నీ సిల్వ రూపమే ||ఓ సిల్వ||

మమ్మును నడిపించు పరలోకమునకు – నీ సత్య వాక్యమే
పాపపు చీకట్లు పారద్రోలెను – నీ నీతి ప్రభావమే ||ఓ సిల్వ||

నీ సిలువ మరణము మనుజాళికంత – కలిగించె రక్షణ
నీ మరణ విజయము జగమందు వెలుగొందు – క్రైస్తవ విజయమై ||ఓ సిల్వ||

Download Lyrics as: PPT

పాట రచయిత:
Lyricist:

కలువరి గిరి నుండి
ప్రవహించే ధార
ప్రభు యేసు రక్త ధార (2)
నిర్దోషమైన ధార
ప్రభు యేసు రక్త ధార (2)
ప్రభు యేసు రక్త ధార (2) ||కలువరి||

నా పాపముకై నీ చేతులలో
మేకులను దిగగొట్టిరా (2)
భరియించినావా నా కొరకే దేవా
నన్నింతగా ప్రేమించితివా (2) ||కలువరి||

నా తలంపులే నీ శిరస్సుకు
ముండ్ల కిరీటముగా మారినా (2)
మౌనము వహియించి సహియించినావా
నన్నింతగా ప్రేమించితివా (2) ||కలువరి||

Download Lyrics as: PPT