ఆకాశమే పట్టనోడు

పాట రచయిత: కే ఆర్ జాన్
Lyricist: KR John

Telugu Lyrics

అవనిలో ఉద్భవించె ఆది సంభూతిని చూడరే
పుడమియే పరవశించె పసిబాలుని చూడగనే… పసిబాలుని చూడగనే

ఆకాశమే పట్టనోడు – ధరణిలో పుట్టినాడు
దావీదు పురమునందు దీనుడై – వెలసినాడు రక్షకుడు (2)
ఆనందమే మహా ఆనందమే – అందరికి ఇలలో సంతోషమే
ఆశ్చర్యమే ఇది అద్భుతమే – యేసు జననం అద్భుతమే (2)

అదృశ్య దేవుని మహిమ స్వరూపుడు
ఆది అంతమైన పరలోక నాథుడు(2)
ఆదియందు వాక్యంబుగా – సృష్టి కార్యము జరిగించినాడు
అనాది నుండి జ్ఞానంబుగా – సృష్టి క్రమము నడిపించినాడు (2)
అన్నిటిని కలిగించిన మహరాజు
కన్నీటిని తుడచుటకు దిగివచ్చినాడు (2)     ||ఆనందమే||

ప్రేమను పంచే ప్రేమామయుడు
రక్షణ ఇచ్చే రక్షించే దేవుడు (2)

పాపమే లేని సుగుణాల సుందరుడు
శాపము బాపను జన్మించెను చూడు (2)
నిత్యముండు నీతి సూర్యుడు – సత్యసాక్షిగా ఇలకొచ్చినాడు
ప్రేమను పంచే పావనాత్ముడు – పశుల పాకలో పవళించినాడు (2)
సర్వాధికారియైన మహరాజు
దీనులకు దీవెనగా దిగి వచ్చినాడు (2) ||ఆనందమే||    ||ఆకాశమే||

English Lyrics

Audio

Download Lyrics as: PPT

యేసయ్యా నా ప్రాణనాథా నిను

పాట రచయిత: క్రాంతి చేపూరి
Lyricist: Kranthi Chepuri

Telugu Lyrics


యేసయ్యా నా ప్రాణనాథా నిను
ఆడి పాడి కీర్తించెదను
నీవే నా జీవదాత అని
లోకమంతా చాటించెదను           ||యేసయ్యా||

సర్వశక్తిమంతుడా సర్వాధికారి
సర్వలోకమును సృష్టించిన సుందరుడా (2)
స్తుతి మహిమా ఘనతా నీకే అని
సంతసించి స్తోత్రించెదను           ||యేసయ్యా||

పాపమే ఎరుగని నీతిమంతుడా
పాపిని రక్షించిన నీతిసూర్యుడా (2)
పరిశుద్ధ పరలోక తండ్రి అని
పరవశించి నే పాడెదను           ||యేసయ్యా||

ఆది అంతమైన అల్ఫా ఒమేగా
మేఘముపై రానున్న మహిమోన్నతుడా (2)
ఉన్నవాడవు అనువాడవు నీవని
ఉల్లసించి ఆరాధింతును           ||యేసయ్యా||

English Lyrics

Audio

Download Lyrics as: PPT

బంతియనగ ఆడరే

పాట రచయిత:
Lyricist:

Telugu Lyrics

బంతియనగ ఆడరే
మన బాల చిన్న ముద్దుల యేసుకు (2)
ముచ్చిక తోడ కూడి యాడి
ముద్దుల పరుడు పల్క పరుడు
గ గ గ రి గ మ మ మ మ
ప మ ప మ ప ద ని స (2)
ప ద ని స.. ప ద ని స
ప ద ప ద గ మ
గ మ గ రి స రి        ||బంతి||

దూతలెల్ల కూడిరి
మంచి గీతములను పాడిరి (2)        ||ముచ్చిక||

గొల్లలెల్ల చేరిరి
మంచి గొర్రెలనర్పించిరి (2)        ||ముచ్చిక||

జ్ఞానులెల్ల వచ్చిరి
మంచి కానుకలర్పించిరి (2)        ||ముచ్చిక||

క్రీస్తు యొక్క జన్మ దిన
మహోత్సవముగా జరిగెను (2)        ||ముచ్చిక||

English Lyrics

Audio

నీ నామమే ఎద కొలిచెదను

పాట రచయిత: 
Lyricist: 

Telugu Lyrics

నీ నామమే ఎద కొలిచెదను
నీ వాక్యమునే సదా తలచెదను (2)
సైన్యములకధిపతియగు దేవా
ఆది దేవుడవయిన యెహోవా (2)      ||నీ నామమే||

దోష రహితుడ – సృష్టి కారుడ
నేరమెంచని నిర్ణయకుడా
సిలువ దరుడ – మరణ విజయుడ
లోక రక్షక యేసు నాథుడా (2)      ||సైన్యము||

నిన్ను మరచిన – మిగులు శూన్యము
నీతో అణకువ పెంచు జ్ఞానము
నాదు లోకము – బహు కలవరము
నీదు వాక్యము తెలుపు మార్గము (2)      ||సైన్యము||

క్షణము వీడని – నీడ నీవని
నమ్మి నిరతము నిన్ను వేడెద
నీదు పాత్రగ – యాత్ర సాగెద
నీదు ఘనతను ఎలిగి చాటెద (2)      ||సైన్యము||

English Lyrics

Audio

HOME