నా జీవం నీ కృపలో

పాట రచయిత: హోసన్నా మినిస్ట్రీస్
Lyricist: Hosanna Ministries

Telugu Lyrics


నా జీవం నీ కృపలో దాచితివే
నా జీవిత కాలమంతా
ప్రభువా నీవే నా ఆశ్రయం
నా ఆశ్రయం         ||నా జీవం||

పాపపు ఊబిలో పడి కృంగిన నాకు
నిత్య జీవమిచ్చితివే (2)
పావురము వలె నీ సన్నిధిలో
జీవింప పిలచితివే (2)       ||నా జీవం||

ఐగుప్తు విడచినా ఎర్ర సముద్రము
అడ్డురానే వచ్చెనే (2)
నీ బాహు బలమే నన్ను దాటించి
శత్రువునే కూల్చెనే (2)       ||నా జీవం||

కానాను యాత్రలో యొర్దాను అలలచే
కలత చెందితినే (2)
కాపరివైన నీవు దహించు అగ్నిగా
నా ముందు నడచితివే (2)       ||నా జీవం||

వాగ్ధాన భూమిలో మృత సముద్రపు భయము
నన్ను వెంటాడెనే (2)
వాక్యమైయున్న నీ సహవాసము
ధైర్యము పుట్టించెనే (2)       ||నా జీవం||

స్తుతుల మధ్యలో నివసించువాడా
స్తుతికి పాత్రుడా (2)
స్తుతి యాగముగా నీ సేవలో
ప్రాణార్పణ చేతునే (2)       ||నా జీవం||

English Lyrics

Audio

నిను స్తుతియించే కారణం

పాట రచయిత: షాలేం ఇశ్రాయేల్ అరసవెల్లి
Lyricist: Shalem Ishrayel Arasavelli

Telugu Lyrics

నిను స్తుతియించే కారణం
ఏమని చెప్పాలి ప్రభువా (2)
ప్రతి క్షణము ప్రతి దినము
స్తుతియించుటే నా భాగ్యము
ప్రతి క్షణము ప్రతి దినము
స్తుతియించుటే నా జీవము      ||నిను||

ఉన్నత స్థలములలోన నీకు స్తోత్రము
అగాధ జలములలోన నీకు స్తోత్రము (2)
పరమందు నీకు స్తోత్రం
ధరయందు నీకు స్తోత్రం (2)
ప్రతి చోట నీకు స్తోత్రం
ప్రతి నోట నీకు స్తోత్రం (2)    ||నిను||

చీకటి లోయలలోన నీకు స్తోత్రము
మహిమాన్విత స్థలములలోన నీకు స్తోత్రము (2)
గృహమందు నీకు స్తోత్రం
గుడిలోన నీకు స్తోత్రం (2)
ప్రతి చోట నీకు స్తోత్రం
ప్రతి నోట నీకు స్తోత్రం (2)    ||నిను||

నిన్నటి మేలుల కొరకై నీకు స్తోత్రము
ఈ దిన దీవెన కొరకై నీకు స్తోత్రము (2)
శ్రమలైనా నీకు స్తోత్రం
కరువైనా నీకు స్తోత్రం (2)
ప్రతి చోట నీకు స్తోత్రం
ప్రతి నోట నీకు స్తోత్రం (2)    ||నిను||

English Lyrics

Audio

ఎరుగనయ్యా నిన్నెప్పుడు

పాట రచయిత: రాజబాబు
Lyricist: Rajababu

Telugu Lyrics

ఎరుగనయ్యా నిన్నెప్పుడు (2)
నను వెదకుచుంటివా.. ఓ ప్రభువా (2)      ||ఎరుగనయ్యా||

నీ ప్రేమ శాశ్వతమేగా (2)
నీ కరుణ సాగరమేగా (2)
నిను కొలువ భాగ్యమే కదా (2)
నను పిలువ వచ్చిన.. ఓ ప్రభువా (2)      ||ఎరుగనయ్యా||

నీ పలుకే తీర్చునాకలి (2)
నీ స్మరణము కూర్చు బలిమిని (2)
నీ బ్రతుకే వెలుగు బాట (2)
నను కొలువ వచ్చిన.. ఓ ప్రభువా (2)      ||ఎరుగనయ్యా||

వలదయ్యా లోక భ్రాంతి (2)
కడు భారము ఘోర వ్యాధి (2)
నిను చేరిన నాకు మేలు (2)
నీ రక్షణ చాలు చాలు.. నా ప్రభువా (2)      ||ఎరుగనయ్యా||

English Lyrics

Audio

నీవు చేసిన త్యాగాన్ని

పాట రచయిత:
Lyricist:

Telugu Lyrics

నశించిపోయే ఆత్మలు ఎన్నో
నరకపు పొలిమేరను చెర
నన్ను పంపుము నన్ను నడిపించుము
నీ ప్రేమ సువార్త చాటను
నీ వాక్కుతో నీ శక్తితో
నీ ఆత్మతో నీ ప్రేమతో
(నను) నిత్యము నడిపించుమా – (2)

నీవు చేసిన త్యాగాన్ని
చాటి చెప్పే భాగ్యాన్ని
నాకు ఇమ్ము నా దేవా
వాడుకొనుము నా ప్రభువా (2)         ||నీవు||

నా జీవితాంతం – మరణ పర్యంతం
నీతోనే నేనుందునయ్యా (2)
కరుణ చూచి నీ మహిమ గాంచితి
నిత్యం నిను సేవింతును
నీ సన్నిధిలో ఆ దూతలతో
నీ రాజ్యములో పరిశుద్ధులతో (2)
(నిను) నిత్యము కీర్తింతును – (2)         ||నీవు||

English Lyrics

Audio

నా జీవిత యాత్రలో

పాట రచయిత:
Lyricist:

Telugu Lyrics


నా జీవిత యాత్రలో
ప్రభువా నీ పాదమే శరణం
ఈ లోకమునందు నీవు తప్ప
వేరే ఆశ్రయం లేదు (2)       ||నా జీవిత||

పలు విధ శోధన కష్టములు
ఆవరించియుండగా (2)
కలత చెందుచున్న హృదయమును
కదలక కాపాడుము (2)       ||నా జీవిత||

నీ సన్నిధిలో సంపూర్ణమైన
సంతోషము కలదు (2)
నీదు కుడి హస్తములో నిత్యమున
నాకు సుఖ క్షేమముగా (2)       ||నా జీవిత||

ఈ లోక నటన ఆశలన్నియు
తరిగిపోవుచుండగా (2)
మారని వాగ్ధానములన్నియు
నే నమ్మి సాగెదను(2)       ||నా జీవిత||

ముందున్న సంతోషము తలంచి
నిందలను సహించి (2)
నీ సిలువను నే మోయుటకై
నీ కృప నాకీయుము (2)     ||నా జీవిత||

సీయోను యొక్క ఆలోచనతో
సదా నడిపించుము (2)
మహిమలో నీతోనే నిల్చుటకు
నా తండ్రి దయచూపుము (2)     ||నా జీవిత||

English Lyrics

Audio

ప్రభువా ప్రభువా

పాట రచయిత:
Lyricist:

Telugu Lyrics


ప్రభువా ప్రభువా
కడలిని మా గాథ వినవా
ప్రభువా ప్రభువా
ఇకనైనా మా జాలి గనవా
ఎన్నాళ్ళు ఎన్నాళ్ళు
ఎన్నాళ్ళు ఇంకా ఈ శోధనల్        ||ప్రభువా||

ఎదలో చెలరేగే సుడిగాలుల్లో
ఎగసే ఆశ నిరాశ కెరటాలు
నావకు చుక్కానివై
నాలో ధైర్యం కలిగించవా
సహనము శాంతము కరువు అయిన బ్రతుకులో
మరియ తనయా మరి ఇంకా ఎన్నాళ్లీ శోధనల్        ||ప్రభువా||

దేవా నీ దయలో ధన్యుడనవ తగనా
నాలో విశ్వాసం ఇంకా చాలాదనా
మందలో నీ అండలో
నేను ఉన్నా గొర్రెపిల్లనై
దీనులు అనాథలు అభాగ్యులైన ఎందరినో
నడిపించు ఓ తండ్రి నాకింక ఎన్నాళ్లీ శోధనల్          ||ప్రభువా||

English Lyrics

Audio

యేసూ ఎంతో వరాల మనస్సూ

పాట రచయిత:
Lyricist:

Telugu Lyrics


యేసూ.. ఎంతో వరాల మనస్సూ నీది
చిత్ర చిత్రాలుగా విన్నానయ్యా ఊసు
ప్రభువా హైలెస్సా – నీ మనసు హైలెస్సా – (2)      ||యేసూ||

గాలి వానొచ్చి నడి యేటిలోన
నావ అల్లాడగా – నీవే కాపాడినవే హో..
కంట చూడంగ గాలాగిపోయే
అలలే చల్లారెనే – మహిమ చూపించావే (2)
నీవే రేవంట ఏ నావకైనా
కడలే నీవంట ఏ వాగుకైనా (2)
ఉప్పొంగె నీ ప్రేమలో       ||ప్రభువా||

దిక్కు లేనట్టి దీనాత్ములంటే
నీలో కలిగే దయ – నాడే తెలిసిందయ్యా ఆ..
జంతు బలులిచ్చే మూడాత్ములంటే
నీలో కలిగే దయ – నాడే తెలిసిందయ్యా (2)
నిన్ను పొగడంగ నేనెంత వాడ
నీటి మడుగులలో చేపంటి వాడ (2)
నా దారి గోదారిలో         ||ప్రభువా||

English Lyrics

Audio

యేసు ప్రభువా నీవే

పాట రచయిత: సీయోను గీతాలు
Lyricist: Songs of Zion

Telugu Lyrics


యేసు ప్రభువా నీవే
మహిమా నిరీక్షణా (2)
హల్లెలూయా హల్లెలూయా
మహిమా నిరీక్షణా నీవే (2)        ||యేసు||

గొప్ప రక్షణ సిలువ శక్తితో నాకొసగితివి (2)
మహిమా నిరీక్షణా నీవే
నిశ్చయముగా నిన్ను చూతును (2)
యేసు ప్రభో జయహో (4)      ||యేసు||

నిత్య రక్షణ నీ రక్తముచే నాకిచ్చితివి (2)
ఎనలేని ధనము నీవేగా
నిశ్చయముగా నే పొందుదును (2)
యేసు ప్రభో జయహో (4)      ||యేసు||

ప్రభువా మహిమతో మరలా వత్తు నన్ను కొనిపోవ (2)
పరలోకమే నా దేశము
మహిమలోనచ్చట నుందును (2)
యేసు నీతో సదా
యేసు ప్రభో జయహో (2)      ||యేసు||

English Lyrics

Audio

Chords

ప్రభువా ఈ ఆనందం

పాట రచయిత:
Lyricist:

Telugu Lyrics

ప్రభువా ఈ ఆనందం
నాలో కలిగిన వైనం
వర్ణింపలేనిది ఈ అద్భుతం (2)
నీలో నేను ఉండగా
నాలో నీవు నిలువగా
నీకై నేను పాడగా ఆనందం (2)
ప్రెయసెస్ టు హెవెన్లీ ఫాదర్
ప్రెయసెస్ టు సేవియర్ క్రైస్ట్
ప్రెయసెస్ టు ద లార్డ్ ఆఫ్ ట్రినిటీ (2)      ||ప్రభువా||

ఆత్మలో ఆనందం నా ప్రియుని బహుమానం
అంతమే లేనిది ఆ ప్రేమ మకరందం (2)
వర్ణింపలేనిది సరిపోల్చలేనిది
నా ప్రభునిలో ఆనందం (2)      ||ప్రెయసెస్||

స్వాతంత్య్రం ఇచ్చునదే యేసులో ఆనందం
ఆత్మను బలపరచునదే అక్షయమగు ఆనందం (2)
పరలోకపు మార్గములో నను నడువ చేయునది
ప్రభు యేసుని వాక్యాహారం (2)      ||ప్రభువా||

English Lyrics

Audio

నీ స్వరము

పాట రచయిత: సీయోను గీతాలు
Lyricist: Songs of Zion

Telugu Lyrics

నీ స్వరము వినిపించు ప్రభువా
నీ దాసుడాలకించున్ (2)
నీ వాక్యమును నేర్పించు
దానియందు నడుచునట్లు నీతో           ||నీ స్వరము||

ఉదయమునే లేచి – నీ స్వరము వినుట
నాకు ఎంతో మధురము
దినమంతటి కొరకు – నను సిద్ధపరచు
రక్షించు ఆపదలనుండి – (2)         ||నీ స్వరము||

నీ వాక్యము చదివి – నీ స్వరము వినుచు
నేను సరి చేసికొందు
నీ మార్గములో – నడుచునట్లుగా
నేర్పించుము ఎల్లప్పుడూ – (2)         ||నీ స్వరము||

భయ భీతులలో – తుఫానులలో
నీ స్వరము వినిపించుము
అభయము నిమ్ము – ఓ గొప్ప దేవా
ధైర్య పరచుము నన్ను – (2)         ||నీ స్వరము||

నాతో మాట్లాడు – స్పష్టముగా ప్రభువా
నీ స్వరము నా కొరకే
నీతో మనుష్యులతో – సరిచేసికొందు
నీ దివ్య వాక్యము ద్వారా – (2)         ||నీ స్వరము||

నేర్చుకున్నాను – నా శ్రమల ద్వారా
నీ వాక్యమును ఎంతో
నన్నుంచుము ప్రభువా – నీ విశ్వాస్యతలో
నీ యందు నిలచునట్లు – (2)         ||నీ స్వరము||

నా హృదయములోని – చెడు తలంపులను
చేధించు నీ వాక్యము
నీ రూపమునకు – మార్చుము నన్ను
నీదు మహిమ కొరకేగా – (2)         ||నీ స్వరము||

English Lyrics

Audio

Chords

Download Lyrics as: PPT

HOME