అద్భుతకరుడా

పాట రచయిత: ఓసీనాచి ఒకోరో
అనువదించినది:
అలెన్ గంట, జాన్ ఎర్రి, అను శామ్యూల్, జాన్ డేవిడ్ ఇంజ
Lyricist: Osinachi Okoro
Translator(s): Allen Ganta, John Erry, Anu Samuel, John David Inja

Telugu Lyrics

మా మధ్యలో సంచరించువాడా
ఆరాధన నీకేనయ్యా
మా మధ్యలో అద్భుతాలు చేయువాడా
ఆరాధన నీకేనయ్యా

మార్గము తెరిచే అద్భుతకరుడా
మాట తప్పని తేజోమయుడా
నీవే.. నీవే యేసయ్యా (2)

మాలో నీవు హృదయాలు మార్చుము
యేసయ్యా యేసయ్యా..
మా మనసులను స్వస్థపరచుము
యేసయ్యా యేసయ్యా.. నీవే        ||మార్గము||

చీకటి లోయలో సంచరించినా
నిరీక్షణ కోల్పోయినా
గొప్ప కార్యము జరిగించెదవు
నాలో నెరవేర్చెదవు (2)        ||మార్గము||

English Lyrics

Audio

Download Lyrics as: PPT

నీ ప్రేమ ఎంతో మధురం

పాట రచయిత:
Lyricist:

Telugu Lyrics

నీ ప్రేమ ఎంతో మధురం యేసయ్యా
నీ మాట ఎంతో శ్రేష్టం యేసయ్యా
యేసయ్యా యేసయ్యా
యేసయ్యా యేసయ్యా (2)            ||నీ ప్రేమ||

రాతి గుండెలే మారును
నీ మాట సెలవిస్తే (2)
రమణీయము నీ మాటలే
వెదజల్లును సుమగంధమే (2)           ||యేసయ్యా||

వ్యాధి బాధలే పోవును
నీ మాట సెలవిస్తే (2)
బలమైనది నీ మాటయే
తొలగించును కారు చీకటులే (2)           ||యేసయ్యా||

English Lyrics

Audio

Download Lyrics as: PPT

యేసయ్య మాట బంగారు మూట

పాట రచయిత:
Lyricist:

Telugu Lyrics


యేసయ్య మాట బంగారు మూట
ఎన్నటికి మారని మాటేనన్న
ఎన్నటెన్నటికి మారని మాటేనన్న
నిత్యజీవానికి సత్యమైనది
పరలోక రాజ్యానికి మార్గమైనది
పదరా పదరా పోదాం పదరా
(మన) యేసయ్య చెంతకు పోదాం పదరా – (2)

చెట్టు పైకి చక్కగా చూసాడయ్యా
పొట్టి జక్కయ్యను పిలిచాడయ్యా
తిన్నగా ఇంటికి వేళ్ళాడయ్యా
అబ్రహాము బిడ్డగా మార్చాడయ్యా         ||పదరా||

సమరయ స్త్రీని చూసాడయ్యా
కుండను బద్దలు కొట్టాడయ్యా
జీవపు ఊటలు ఇచ్చాడయ్యా
జీవితాన్నే మార్చివేసాడయ్యా         ||పదరా||

English Lyrics

Audio

నాతో నీవు మాటాడినచో

పాట రచయిత: చట్ల దేవసహాయం
Lyricist: Chatla Devasahaayam

Telugu Lyrics


నాతో నీవు మాటాడినచో
నే బ్రతికెదను ప్రభు (2)
నా ప్రియుడా నా హితుడా
నా ప్రాణ నాథుడా నా రక్షకా      ||నాతో||

యుద్ధమందు నేను మిద్దె మీద నుంచి
చూడరాని దృశ్యం కనుల గాంచినాను (2)
బుద్ధి మీరినాను హద్దు మీరినాను
లేదు నాలో జీవం ఎరుగనైతి మార్గం
ఒక్క మాట చాలు… ఒక్క మాట చాలు
ఒక్క మాట చాలు ప్రభు          ||నాతో||

కట్టబడితి నేను గట్టి త్రాళ్లతోను
వీడలేదు ఆత్మ వీడలేదు వ్రతము (2)
గ్రుడ్డి వాడనైతి గానుగీడ్చుచుంటి
దిక్కు లేక నేను దయను కోరుచుంటి
ఒక్క మాట చాలు… ఒక్క మాట చాలు
ఒక్క మాట చాలు ప్రభు          ||నాతో||

English Lyrics

Audio

యేసయ్య మాట విలువైన మాట

పాట రచయిత:
Lyricist:

Telugu Lyrics


యేసయ్య మాట విలువైన మాట
వినిపించుకోవా సోదరా
వినిపించుకోవా సోదరీ (2)
నీ గుండెలోన ముద్రించుకోవా
ఏ నాటికైనా గమనించలేవా
గమనించుము పాటించుము ప్రచురించుము
నిన్నూవలె నీ పొరుగువారిని
ప్రేమించమని ప్రేమించమని         ||యేసయ్య||

ఆత్మవిషయమై దీనులైన వారు ధన్యులని చెప్పిన మాట
నీతివిషయమై ఆకలిగొనువారు ధన్యులని చెప్పిన మాట
కనికరము గలవారు – హృదయశుద్ది గలవారు (2)
సమాధానపడువారు – సాత్వికులు ధన్యులని (2)
దుఃఖపడువారు ధన్యులని చెప్పిన మాట          ||యేసయ్య||

నరహంతకులు కోపపడువారు నరకాగ్నికి లోనగుదురని
అపహారకులు వ్యభిచరించువారు నరకములో పడిపోదురని
కుడిచెంప నిను కొడితే – ఎడమ చెంప చూపుమని (2)
అప్పడుగగోరువారికి నీ ముఖము త్రిప్పకుము (2)
నీ శత్రువులను ద్వేషించక ప్రేమించమని         ||యేసయ్య||

English Lyrics

Audio

సృష్టి కర్తా యేసు దేవా

పాట రచయిత:
Lyricist:

Telugu Lyrics

సృష్టి కర్తా యేసు దేవా
సర్వ లోకం నీ మాట వినును (2)
సర్వ లోక నాథా సకలం నీవేగా
సర్వ లోక రాజా సర్వము నీవేగా
సన్నుతింతును అను నిత్యము         ||సృష్టి||

కానాన్ వివాహములో అద్భుతముగా
నీటిని ద్రాక్షా రసము చేసి
కనలేని అంధులకు చూపు నొసగి
చెవిటి మూగల బాగు పరచితివి
నీకసాధ్యమేదీ లేనే లేదు ఇలలో
ఆశ్చర్యకరుడా గొప్ప దేవుడవు         ||సర్వ||

మృతుల సహితము జీవింపజేసి
మృతిని గెలిచి తిరిగి లేచితివి
నీ రాజ్యములో నీతో వసింప
కొనిపోవ త్వరలో రానుంటివే
నీకసాధ్యమేదీ లేనే లేదు ఇలలో
ఆశ్చర్యకరుడా గొప్ప దేవుడవు       ||సర్వ||

English Lyrics

Audio

యేసయ్య మాట జీవింపజేయు

పాట రచయిత:
Lyricist:

Telugu Lyrics


యేసయ్య మాట జీవింపజేయు లోకంలో
యేసయ్య నామం కోరికలన్ని తీర్చును
యేసయ్య రుధిరం కడుగు ప్రతి పాపము
యేసయ్య ప్రేమా కన్నీటిని తుడిచివేయును – (2)        ||యేసయ్య||

వ్యభిచార స్త్రీ యొక్క పాపము
క్షమించె యేసు దేవుడు (2)
ఇకపై పాపము చేయకు అని హెచ్చరించెను (2)
ఇదే కదా యేసు ప్రేమ
క్షమించు ప్రతి పాపము (2)

విరిగి నలిగినా హృదయమా
యేసుపై వేయుము భారము (2)
నీ దుఃఖ దినములు సమాప్తము
యేసుని అడిగినచో (2)
ఇదే కదా యేసు ప్రేమ
కన్నీటిని తుడిచివేయును (2)         ||యేసయ్య||

English Lyrics

Audio

యేసయ్యా నీ ప్రేమ

పాట రచయిత:
Lyricist:

Telugu Lyrics


యేసయ్యా నీ ప్రేమ – నా ధ్యానం
యేసయ్యా నీ మాట – నా దీపం
పసి ప్రాయముల నీదు ఒడిలో
నివసించెదను చిరకాలములు      ||యేసయ్యా||

గాలి వానలో వెలిగే దీపం ఆరదా?
ప్రయాణ చీకటిలో నీదు దీపం ఆరదు
నీ మాటలే నా జీవం
నీ వెలుగే నా ప్రాణం
నీ గానమే నా పాణం
నీ రూపమే నా దీపం        ||యేసయ్యా||

విశేష ఆరాధన గీతం నీకే నా ప్రభు
అపురూప భావాలతో రాగం నీకే అంకితం
నీ పరలోకం చూడాలని
నీ దర్శనం నే పొందాలని
నీ స్వరమే నే వినాలని
ఆశించెద ప్రతి క్షణము        ||యేసయ్యా||

English Lyrics

Audio

 

 

అన్నిటి కన్నా ప్రార్థనే మిన్న

పాట రచయిత: సామ్యేల్ గోడి
Lyricist: Samuel Godi

Telugu Lyrics

అన్నిటి కన్నా ప్రార్థనే మిన్న
అన్న బైబిల్ మాట ఉన్నదా జ్ఞాపకం
ఉన్నదా జ్ఞాపకం        ||అన్నిటి||

శోధనలోనికి మీరు జారిపడకుండాలంటే (2)
మెండుగా ప్రార్థన ఉండాలి గుండెలో (2)          ||అన్నిటి||

శాంతి లోపల మీకు సుఖము లోకములోన (2)
కలిగి బ్రతకాలంటే కావాలి ప్రార్థన (2)         ||అన్నిటి||

English Lyrics

Audio

నిన్ను కాపాడు దేవుడు

పాట రచయిత: క్రాంతి చేపూరి
Lyricist: Kranthi Chepuri

Telugu Lyrics

నిన్ను కాపాడు దేవుడు
కునుకడు నిదురపోడు – నిదురపోడు
వాగ్ధానమిచ్చి మాట తప్పడు
నమ్మదగినవాడు – నమ్మదగినవాడు
భయమేల నీకు – దిగులేల నీకు (2)
ఆదరించు యేసు దేవుడు ఉండగా          ||నిన్ను కాపాడు||

శత్రు బలము నిన్ను చుట్టుముట్టినా
శోధనలలో – నిన్ను నెట్టినా (2)
కోడి తన పిల్లలను కాచునంతగా
కాపాడు దేవుడు నీకు ఉండగా (2)
భయమేల నీకు – దిగులేల నీకు (2)
కాపాడు గొప్ప దేవుడు ఉండగా          ||నిన్ను కాపాడు||

రోగ భారమందు లేవకున్ననూ
వ్యాధులు నిన్ను కృంగదీసినా (2)
చనిపోయిన లాజరును తిరిగి లేపిన
స్వస్థపరచు దేవుడు నీకు ఉండగా (2)
భయమేల నీకు – దిగులేల నీకు (2)
స్వస్థపరచు సత్య దేవుడు ఉండగా          ||నిన్ను కాపాడు||

English Lyrics

Audio

Download Lyrics as: PPT

HOME